Aİ rəsmiləri Rusiya maliyyə sistemində, “kölgə donanmasında” və dezinformasiya kampaniyasında iştirak edən 145 hüquqi və fiziki şəxsi hədəf alan Rusiyaya qarşı yeni sanksiyalar barədə razılığa gəliblər.
Yeniavaz.com xəbər verir ki, bu barədə “Reuters” agentliyi məlumat yayıb.
Məlumata görə, Aİ xarici işlər nazirlərinin noyabrın 16-da keçiriləcək görüşündə yeni sanksiyaları təsdiqləmələri gözlənilir.
“Mənbələrə görə, səfirlər əsas siyahıya 113 hüquqi və fiziki şəxsin adını əlavə etmək barədə razılığa gəliblər. Bunlara 50 Rusiya bankı, Rusiyanın kölgə donanmasının əlbirləri, enerji şirkətləri və digər Rusiya iş adamları daxildir. Mənbələr hibrid rejim dövründə səfirlərin xarici manipulyasiya ilə məşğul olan 31 fiziki və 31 hüquqi şəxsin adını əlavə etmək barədə razılığa gəldikləri barədə məlumat veriblər”, - məlumatda deyilir.
Bundan əlavə, mənbələrdən biri hibrid əməliyyatlara qarşı sanksiyaların Leypsiq hava limanında partlayıcı qurğu daşıyan dronla bağlı hadisəyə cavab olduğunu bildirib.
Qeyd edək ki, oktyabrın 12-də Avropa İttifaqı müdafiə sektoru ilə əlaqəli 1600-dən çox hüquqi və fiziki şəxsi hədəf alan 22-ci Rusiya əleyhinə sanksiya paketini tətbiq edib. Rusiyanın yeni bölgələrində seçki kampaniyalarında iştirak etdiklərinə görə 77 nəfər də məhdudiyyətlərə məruz qaldı.
Oktyabrın 13-də “Politico” qəzeti Aİ-nin Rusiya əleyhinə 23-cü sanksiya paketini hazırlaması barədə məlumat yayıb.
Tətbiqimizi yükləyə bilərsiniz
