Daha bir supertanker minaya düşdü

Bu gün 2 milyon bareldən çox neft daşıyan supertanker Hörmüz boğazında icazəsiz marşrut üzrə hərəkət edərkən dəniz minasına düşüb.
Yeniavaz.com xəbər verir ki, bu barədə İslam İnqilabı Keşikçiləri Korpusunun (SEPAH) Hərbi Dəniz Qüvvələrinin İctimaiyyətlə Əlaqələr Departamenti məlumat verib.
”Bu, icazəsiz marşrutdan keçdikdən sonra partlayan və alovlanan üçüncü tankerdir. 2 milyon bareldən çox neft daşıyan bu supertanker Hörmüz boğazının mənsəbində tərk edilib və yanır”, - SEPAH İctimaiyyətlə Əlaqələr Departamenti bildirib.
Qeyd edək ki, bundan əvvəl SEPAH Hörmüz boğazının cənub sularında icazəsiz marşrutla hərəkət etməyə cəhd edən və dayanan iki tankerlə bağlı incident barədə məlumat vermişdi.