“Bütün dövrlərin ən yaxşı “Qızıl top”u” mükafatını qazandı

Futbol tarixinin ən çox qol vuran oyunçusu, portuqaliyalı hücumçu Kriştianu Ronaldo “Bütün dövrlərin “Qızıl top”u” mükafatı uğrunda səsvermədə qalib gəlib.
Yeniavaz.com xəbər verir ki, bu barədə “France Football” jurnalının mətbuat xidməti məlumat verib.
Məlumata görə, təşkilatçılar tarixin ən yaxşı “Qızıl top” mükafatı üçün ödənişli səsverməyə başlayıblar.
Səsəvermədə 2008-ci ildə “Mançester Yunayted”də oynayarkən mükafatı qazanan və bununla birlikdə İngiltərə Premyer Liqasının və Çempionlar Liqasının qalibi olan Ronaldo birinci olub.
Həmçinin, bu, portuqaliyalı futbolçunun karyerasındakı ilk “Qızıl top”u olub. Daha sonra o, mükafatı daha dörd dəfə qazanıb.
Azarkeşlər hər səs üçün 1 avro ödəyiblər. 2008-ci ilin “Qızıl top” mükafatı 75% səs toplayıb.
İlk üçlüyə isə 2012 və 2017-ci illərin mükafatları daxil olub. Bu mükafatları müvafiq olaraq argentinalı hücumçu Lionel Messi və portuqaliyalı hücumçu Kriştianu Ronaldo qazanıblar.
Qeyd edək ki, “Qızıl top” mükafatlandırma mərasimi 26 oktyabrda Londonda keçirilib. 2025/26 mövsümünün ən yaxşı futbolçusu mükafatı Almaniyanın “Bavariya” klubunun ingilis hücumçusu Harri Keynə verilib.
Xatırlafdaq ki,”Qızıl top” mükafatı 1956-cı ildən bəri təqdim olunur. 1994-cü ilə qədər bu mükafat yalnız Avropa klubunda oynayan avropalı oyunçuya verilirdi. 1995-ci ildə mükafatın əhatə dairəsi genişləndirilərək, Avropada oynayan istənilən millətdən olan oyunçuları da əhatə etdi. Həmin il “Qızıl top” mükafatını liberiyalı hücumçu Corc Vea qazandı. 2007-ci ildən bəri dünyanın istənilən klubundan olan oyunçular “Qızıl top” uğrunda mübarizə aparmaq hüququna malikdirlər.