ABŞ kəşfiyyatı İranın xaricdə fəaliyyət göstərən amerikalı diplomatlara və vəzifəli şəxslərə qarşı sui-qəsd cəhdləri planlaşdırdığına dair məlumatlara malikdir.
Yeniavaz.com “Axios” portalına istinadla xəbər verir ki, bu barədə məlumat oktyabrın 23-də ABŞ Dövlət katibi Marko Rubiyoya göndərilən xidməti qeyddə öz əksini tapır.
ABŞ kəşfiyyatı hesab edir ki, İran Yaxın Şərqdə və ondan kənarda Amerika diplomatlarına və rəsmi şəxslərinə qarşı sui-qəsd cəhdlərinə hazırlıqları əhəmiyyətli dərəcədə artırıb.
Portal Milli Kəşfiyyat direktoru Cey Kleytonun dövlət katibi Marko Rubioya yazdığı bir qeydə istinadla xəbər verir ki, bəzi sui-qəsd planları inkişaf etmiş mərhələlərə çatıb.
Portalın məlumatına görə, bu kəşfiyyat məlumatları Yaxın Şərqdəki bir neçə Amerika səfirliyində işçilərin ixtisarının səbəblərindən biri olub.
Kleyton xəbərdarlıq edib ki, şübhəli sui-qəsd planları haqqında məlumat hazırda icazə veriləndən daha çox Amerika personalı ilə paylaşılmalı və mümkün olduqda məlumatların təsnifat səviyyəsi ləğv edilməlidir.
Sənəddə konkret hədəflər göstərilməsə də, müvafiq kəşfiyyat məlumatlarının artıq Dövlət Departamentinin yüksək vəzifəli rəsmilərinə çatdırıldığı bildirilir.
Tətbiqimizi yükləyə bilərsiniz
