Nyu-Meksiko məhkəməsi “Facebook” istifadəçilərini aldadaraq onların məlumatlarını topladığına görə, “Meta” korporasiyasına 25 milyard dollar ödəməyi əmr edib.
Yeniavaz.com xəbər verir ki, bu barədə “Reuters” agentliyi məlumat yayıb.
Məlumata görə, münsiflər heyəti korporasiya və onun rəhbərliyi tərəfindən məxfilik, nifrət nitqi şikayətlərinin həlli və daxili siyasətlə bağlı verilən 29 açıqlamadan 26-sının yalan olduğunu müəyyən edib.
Onlar “Meta”nın yerli istehlakçıların hüquqlarının müdafiəsi qanunlarını 43 milyondan çox dəfə pozduğunu təxmin edirlər. Bu rəqəm hər bir açıqlamanı görən “Facebook” istifadəçilərinin və ya ştat sakinlərinin sayına əsaslanır.
Hakim Frensis Metyu qeyd edib ki, ştat qanunlarına görə, cərimənin məbləği 219 milyard dolları keçə bilərdi, lakin o, məbləği 25 milyard dollara endirib.
Məhkəmə iddiası 2021-ci ildə Britaniyanın “Cambridge Analytica” konsaltinq şirkətinin üçüncü tərəf tətbiqi vasitəsilə 87 milyona qədər “Facebook” istifadəçisindən məlumat topladığı aşkar edildikdən sonra qaldırılıb. Ştat “Meta”nı sakinlərə üçüncü tərəflərin onların məlumatlarına girişi barədə yalan danışmaqda ittiham edib.
Məhkəmə sənədlərində “Meta” istifadəçi məlumatlarını satmadığını və dövlətin heç kimin zərər gördüyünü sübut etmədiyini iddia edərək, 3,45 milyard dollarlıq cərimə limiti tələb edib.
Tətbiqimizi yükləyə bilərsiniz
