Diri atlar Qırğızıstana 289, at əti isə 3,4 manata satılıb

Bu ilin avqust ayında Azərbaycandan Özbəkistana 170, Qırğızıstana 65, Türkiyəyə isə 9 baş diri ətlik at ixrac edilib.
Yeniavaz.com xəbər verir ki, Özbəkistana ixrac edilən bir baş atın orta gömrük dəyəri 200 dollar (340 manat), Qırğızıstana ixrac edilən bir baş atın orta gömrük dəyəri 170 dollar (289 manat), Türkiyəyə ixrac edilən bir baş atın orta gömrük dəyəri isə 292 dollar (497 manat) olub.
Qeyd edək ki, Azərbaycandan diri atların (ətlik istiqamət üzrə) ixracına ilk dəfə 2016-cı ildə başlanılıb və bu ilin iyul ayının əvvəlinə qədər 24 min 36 baş diri at satılıb.
Onu da qeyd edək ki, bu ilin avqust ayında Azərbaycandan Qırğızıstana 16 ton at əti də ixrac olunub. İxrac olunan at ətinin bir kiloqramının orta gömrük dəyəri isə 2 dollar (3,4 manat) olub.

Elnur Əli