“Real Madrid” klubunun hücumçusu Kilian Mbappe, həmçinin, anası və agenti Fayza Lamari rüşvət şübhəsi ilə Fransa polisinə ifadə veriblər.
Yeniavaz.com xəbər verir ki, bu barədə "L'Équipe" qəzeti məlumat yayıb.
Nəşrin məlumatına görə, hüquq-mühafizə orqanları artıq Lamarinin özünün, eləcə də müstəntiqlərin fikrincə, maliyyə əməliyyatında əlbir ola biləcəyi oğlu Kilian Mbappenin rəsmi dindirilməsini aparıblar.
Müstəntiqlər hesab edirlər ki, Fransa milli komandasının keçmiş təhlükəsizlik rəisi Məhəmməd Sanhaci futbolçunun anasına dörd giriş vizasının alınmasını sürətləndirməyə kömək edib. Bu kömək müqabilində “Real Madrid”in ulduz hücumçusu rəsmi şəxsin hesabına 60 min 300 avro köçürüb.
Qeyd olunur ki, Sanhaci genişmiqyaslı korrupsiyaya qarşı mübarizə işində əsas fiqurdur və fransız müstəntiqləri əvvəllər Fransa millisinin keçmiş yarımmüdafiəçisi Frank Riberi də daxil olmaqla digər yüksək səviyyəli oyunçuları dindiriblər.
Tətbiqimizi yükləyə bilərsiniz
