“MediHall Hospital”ın fəaliyyət göstərdiyi bina satışa çıxarıldı – Fotolar

Bakı şəhəri, Binəqədi rayonu, Səttar Bəhlulzadə küçəsi 22 ünvanında yerləşən qeyri-yaşayış sahəsi hərrac vasitəsilə satışa çıxarılıb.
Yeniavaz.com xəbər verir ki, icra məmurlarının sifarişi əsasında hərraca çıxarılan obyekt 3 mərtəbədən ibarətdir.
Satışa çıxarılan obyektin sahəsi 705 kvadratmetrə bərabərdir. 26 otaqdan ibarət olan obyektin ilkin bazar qiyməti 2 milyon 203 min manat olsa da, 1 milyon 872 min 550 manata satışa çıxarılıb.
Qeyd edək ki, bu obyektdə “MediHall Hospital” klinikası fəaliyyət göstərib.
Xatırladaq ki, bu ilin fevral ayının 10-da “MediHall Hospital”da əməliyyat olunan 1983-cü il təvəllüdlü Nigar İsmayılovanın 3 gün sonra həmin klinikada ölməsi faktı ilə bağlı Binəqədi Rayon Prokurorluğunda araşdırma başladılıb.






Murad Məmmədov