Azərbaycan Dövlət Neft Şirkəti (SOCAR) bu ilin yanvar ayında Supsa limanından (Qara dəniz, Gürcüstan) 176 min 109 ton xam neft ixrac edib. “Yeniavaz.com" SOCAR-a istinadən bildirir ki. SOCAR tərəfindən ixrac olunmuş xam neft göstəriciləri həm Azərbaycan dövlətinə, həm də şirkətin özünə məxsus xam neft həcmlərini əks etdirir. Xam neft Supsa limanına Bakı-Supsa kəməri adlandırılan Qərb İxrac Boru Kəməri vasitəsilə nəql olunur. Bu boru kəməri ilə Xəzərin Azərbaycan sektorundakı “Azəri-Çıraq-Günəşli” yataqlar blokundan çıxarılan neftin bir hissəsi dünya bazarına daşınır. Kəmər 1999-cu il aprelin 17-də istifadəyə verilib, illik ötürücülük qabiliyyəti 7 mln. tondur.
Tətbiqimizi yükləyə bilərsiniz
