Rusiya müdafiə nazirliyi Qara dənizdə keçirilən NATO hərbi-dəniz təlimləriniin gedişini izləyir və ona nəzarət edir. "Yeniavaz.com"un RİA Novisti-yə istinadən verdiyi məlumata görə, bu barədə Rusiya müdafiə naziri Sergey Şoyqu tabeliyində olanlarla keçirdiyi selektor müşavirədə deyib: "Siz bilirsiniz ki, Qara dənizdə keçirilən təlimlərdə hərbi gəmilər qrupu iştirak edir. Baş qərargahın qərarı ilə Cənub hərbi dairəsi komandanlığı tərəfindən NATO hərbi-dəniz təlimləri ciddi şəkildə izlənilir Hazırda oradakı NATO hərbi-dəniz təlimlərini nəzarət altında saxlayırıq. Ümid edirəm ki, təlimlər təhlükəsiz şəkildə başa çatacaq və bizə qarşı təxribata əl atılmayacaq. Ancaq bütün hallarda biz belə təxribatlara cavab verməyə hazırıq".