Trampın keçmiş mətbuat katibinin yeni vəzifəsi məlum oldu

ABŞ Prezidenti Donald Trampın keçmiş mətbuat katibi Kerolayn Livitt indi “Fox News”da siyasi şərhçi kimi işə başlayacaq. 
Yeniavaz.com “New York Times” qəzetinə istinadla xəbər verir ki, bu barədə “Fox News Media”nın baş direktoru Syuzan Skott məlumat yayıb.  
“Kerolaynın Ağ Evdəki və prezidentlik kampaniyasındakı təcrübəsi ona bugünkü siyasi mənzərəyə özünəməxsus baxış bucağı verir. Biz onun orijinal və dərin düşüncələrini bütün “Fox News Media” platformalarında auditoriyamızla bölüşməsini səbirsizliklə gözləyirik”, - o, bildirib.
29 yaşlı Livittin yeni vəzifəsinin icrasına noyabrın 1-də başlaması gözlənilir. Onun həm xəbər, həm də analitik proqramlarda çıxış etməsi planlaşdırılır.
Qeyd edək ki, Kerolayn Livitt avqust ayında Prezidentin mətbuat katibi vəzifəsindən ayrılıb.
Nəşrin məlumatına görə, onun istefası ikinci uşağının dünyaya gəlməsi və ailəsinin yanına Nyu-Hempşirə köçməsi ilə əlaqədar olub.
Xatırladaq ki, Livitt 2025-ci ilin yanvarından 2026-cı ilin avqustuna qədər Prezidentin mətbuat katibi vəzifəsini tutub və ABŞ tarixində bu vəzifəni tutan ən gənc mətbuat katibi olub.