ABŞ Prezidenti Donald Tramp Rusiyaya qarşı Amerika sanksiyalarının yumşaldılması təşəbbüsünü dəstəkləyib.
Yeniavaz.com xəbər verir ki. bu barədə “The Atlantic” jurnalı məlumat yayıb.
Məlumata görə, ABŞ Prezidentinin Belarus üzrə xüsusi nümayəndəsi Con Koul bu ideyanı bir neçə ay əvvəl Trampa təqdim edib.
Onun təklifi Moskvanın bir sıra məhbusları azad etməsi müqabilində ABŞ-nin Rusiya iqtisadiyyatına qoyduğu bəzi məhdudiyyətlərin yumşaldılmasını nəzərdə tutur.
Bu isə öz növbəsində, ABŞ-yə Rusiya nefti, dizel yanacağı, nadir torpaq mineralları və digər mallar üzrə sərfəli sövdələşmələr əldə etməyə imkan verəcək.
Nəşr qeyd edir ki, təşəbbüs ilkin mərhələdədir və əvvəllər bu barədə məlumat verilməyib.
Nəşrin aydınlaşdırdığı kimi, Kol bu yanaşmanı Belarusda sınaqdan keçirir və Trampın təsdiqini aldıqdan sonra eyni yanaşmanı Rusiyaya tətbiq etmək fikrindədir.
Məqalədə qeyd edildiyi kimi, Tramp əvvəllər Belarusdan kalium gübrələri almağa hazır olduğunu bildirmişdi.
Kol bu barədə jurnala bildirib ki, bütün bunlar sülhün əldə olunmasına töhfə verir.
Kol həmçinin qeyd edib ki, iqtisadi əlaqələr adətən münasibətlərdə normallaşmaya gətirib çıxarır.
Məqalədə aydınlaşdırılır ki, Kol ABŞ liderinin xüsusi elçisi Stiv Uitkoffla səyləri əlaqələndirməyi planlaşdırır.
Jurnalın qiymətləndirməsinə görə, bu yeni yanaşma ABŞ Konqresindəki ukraynalıları, avropalıları və hətta Trampın bir çox müttəfiqlərini qəzəbləndirə bilər.
Tətbiqimizi yükləyə bilərsiniz
