ABŞ Silahlı Qüvvələri Kubada mümkün hərbi əməliyyata hazırlıqlarını davam etdirir.
Yeniavaz.com xəbər verir ki, bu barədə “CBS News” telekanalı ABŞ ordusunun daxili sənədlərinə və mənbələrinə istinadla məlumat yayıb.
Onların sözlərinə görə, ordu Mərkəzi və Cənubi Amerika, eləcə də Karib dənizini əhatə edən ABŞ Cənub Komandanlığının məsuliyyət zonasına altı növ bölmənin yerləşdirilməsini nəzərdən keçirir.
Xüsusilə, bu bölmələrə logistika batalyonu, mühəndis batalyonu, logistika komandanlığı, tibbi briqada, reanimasiya və cərrahiyyə bölməsi və hərbi polis briqadası daxildir. Bildirişdə deyilir ki, bu bölmələr “90-120 gün ərzində tələb oluna bilər”.
“CBS News” ABŞ administrasiyasının rəsmilərinə istinadla bildirib ki, sənəddə birbaşa Kubadan bəhs edilməsə də, bu tələb Kuba ilə bağlı davam edən hərbi planlaşdırma ilə bağlıdır.
Telekanal qeyd edir ki, sənəddə ABŞ Cənub Komandanlığının məsuliyyət zonasına yerləşdirilə biləcək qoşunların sayı və ya onların mümkün yerləşdirilmə yeri göstərilmir.
Digər tərəfdən, avqust ayında Pentaqon rəhbəri Pit Heqset ABŞ-ın Kuba ilə bağlı hərbi əməliyyatlar da daxil olmaqla, gələcək addımlar üçün bütün variantları nəzərdən keçirdiyini bildirib. ABŞ Prezidenti Donald Tramp isə mart ayında Vaşinqtonun İrana qarşı əməliyyat başa çatdıqdan sonra Kuba ilə bağlı əlavə tədbirlər planı hazırlamağa başlamaq niyyətində olduğunu elan edib.
Tətbiqimizi yükləyə bilərsiniz
