“Bentley” “Günəş”, “Yer” və “Ay”ı təqdim etdi

Britaniya avtomobil istehsalçısı “Bentley” Günəş, Yer və Aya həsr olunmuş üç eksklüziv avtomobil kolleksiyasını təqdim edib.
Yeniavaz.com xəbər verir ki, bu barədə “Motor1.com” portal məlumat yayıb.
Məlumata görə, seriya XVI əsrdə kainatın heliosentrik modelini təklif edən polyak astronomu Nikolay Kopernikin adını daşıyır.
Hər üç avtomobil “Mulliner” bölməsi tərəfindən “Bentley Warsaw” üçün sifarişlə hazırlanıb və unikaldır.
Nikolay Kopernik kolleksiyası sentyabrın 21-də təqdim edilib. Kolleksiyaya iki “Continental GT S” kupesi və bir “Continental GTC S” kabrioleti daxildir. Hər avtomobil fərqli bir səma cismini - Günəşi, Yer kürəsini və ya Ayı təcəssüm etdirir.
Üç avtomobildə ortaq bir element Günəş sistemindəki səkkiz planetin orbitlərinin qrafik təsviri olan Kopernik Kompasıdır (“Copernicus Compass”).
Bu kompas mərkəzi konsollarda, dekorativ panellərdə, həmçinin, işıq proyeksiyalarında istifadə olunub. Kabrioletdə isə bu motiv həmçinin kabrioletin üst qapağında da öz əksini tapıb.
“Mulliner” salonun bəzəyi üçün adi ağac və ya karbon lifini əvəz edən təbii daşdan istifadə edib. Günəş mövzulu avtomobildə “Copper Stone” dan, Yer mövzulu avtomobildə isə “Galaxy Stone”dan istifadə edilib.
Görünüş və komplektasiya fərqlərinə baxmayaraq, avtomobillər mexaniki cəhətdən demək olar ki, eynidir.
Hər üç avtomobil 671 at gücü istehsal edən 4,0 litrlik iki turbomühərrikli V8 benzin mühərrikinə malik hibrid güc aqreqatı ilə təchiz olunub.
Avtomobillər 22 düymlük on milli təkərlər və karbon-keramika əyləclərə malikdirlər.
“Bentley” kolleksiyanın Polşa dileri ilə şirkətin unikal sifarişlər üzrə ixtisaslaşmış “Mulliner” bölməsi arasında əməkdaşlığın nəticəsi olduğunu bildirir.
Beləliklə, Kopernikin adı indi təkcə Polşa elminin tarixi ilə deyil, həm də hər biri Günəş sistemindəki ayrı bir obyekti təmsil edən üç müasir avtomobillə bağlıdır.