Ermənistan Xarici Kəşfiyyat Xidmətinin rəhbəri Bakıdadır

Ermənistan Xarici Kəşfiyyat Xidmətinin rəhbəri Kristine Qriqoryan IV Bakı Təhlükəsizlik Forumunda iştirak edir.
Yeniavaz.com “Sputnik Ermənistan”a istinadla xəbər verir ki, bu barədə Baş nazir Nikol Paşinyanın mətbuat katibi Melanya Arutyunyan məlumat verib.
Məlumata görə, Kristine Qriqoryanın bu axşam Ermənistana geri dönəcəyi gözlənilir.
Qeyd edək ki, bu gün qlobal təhlükəsizliklə bağlı IV Bakı Təhlükəsizlik Forumu başlayıb. Dövlət Təhlükəsizliyi Xidmətinin (DTX) təşəbbüsü ilə keçirilən forumda 100-dən çox ölkədən beynəlxalq təşkilatların və kəşfiyyat orqanlarının rəhbərləri və yüksək vəzifəli nümayəndələri iştirak edirlər.