Tramp administrasiyası Yaxın Şərq ölkələrinə İranla müharibə zamanı zədələnmiş enerji infrastrukturunun bərpasına kömək etmək üçün 5 milyard dollar investisiya qoymağı təklif edib.
Yeniavaz.com xəbər verir ki, bu barədə “The Wall Street Journal” (WSJ) qəzeti ABŞ və regional rəsmilərə istinadla məlumat verib.
Məlumata görə, Vaşinqton bu təklifi Körfəzdəki enerji obyektlərinin yenidən qurulması üçün fond yaratmaq təklifi fonunda verib.
Nəşrin məlumatına görə, yeni fond Yaxın Şərq ölkələrinə İranla müharibə zamanı zədələnmiş enerji infrastrukturunu bərpa etməklə yanaşı, neft və qaz nəqli üçün Hörmüz boğazından asılılığını azaltmağa kömək etmək məqsədi daşıyır.
WSJ-nin qeyd etdiyi kimi, təklif Səudiyyə Ərəbistanı və Birləşmiş Ərəb Əmirlikləri (BƏƏ) də daxil olmaqla, müxtəlif Yaxın Şərq ölkələri ilə müzakirə edilib.
ABŞ-nin 8 Yaxın Şərq ölkəsindən öz təklifinə ekvivalent məbləğdə vəsait qoymasını tələb etdiyi və ümumilikdə 10 milyard dollarlıq investisiya fondu yaratmağı təklif etdiyi iddia olunur.
Tətbiqimizi yükləyə bilərsiniz
