“İran yeni təhdidlərə və mümkün müharibəyə qarşı tam hazırdır və bu gün onun müdafiə qabiliyyəti əvvəlki münaqişələrdə əldə edilən səviyyəni xeyli üstələyir”.
Yeniavaz.com xəbər verir ki, bunu “Tasnim” agentliyinə müsahibəsi zamanı İranın müdafiə naziri vəzifəsini icra edən briqada generalı Məcid ibn əl-Rza bildirib.
“Bəzi Amerika rəsmiləri səhvən inanırlar ki, davamlı təhdidlər Tehranın mövqeyini dəyişdirə və ya İslam Respublikasını qorxuda bilər. Onlar ciddi şəkildə yanılırlar”, - deyə general vurğulayıb.
İbn əl-Rza bildirib ki, İranın düşmənləri başa düşməlidirlər ki, Tehranla təhdid dilində danışmaq olmaz. Onun fikrincə, bu cür açıqlamalar çox vaxt real hərbi imkanlarla dəstəklənən təhdidlər deyil, siyasi siqnallardır:
“İran heç vaxt qonşu və regiondakı digər ölkələr üçün təhlükə yaratmayıb və yaratmayacaq. Tehran ehtiyatlılıq və balanslaşdırılmış siyasət yolu ilə dostları düşmənlərdən ayırmağa çalışır”.
Müdafiə Nazirliyinin müvəqqəti rəhbəri bildirib ki, əgər yeni bir münaqişə başlasa, İran əvvəlki müharibələrlə müqayisədə xeyli yüksək texnoloji potensialla iştirak edəcək:
“Ölkənin real müdafiə qabiliyyətinin və sənaye potensialının yalnız kiçik bir hissəsi ictimaiyyətə nümayiş etdirilir. İslam Respublikası ölkənin təhlükəsizliyini təmin etmək və maraqlarını qorumaq üçün öz iradəsinə, daxili resurslarına və milli potensialına güvənir”.
Tətbiqimizi yükləyə bilərsiniz
