“Qızıl top”a namizədlər müəyyənləşdi

“France Football” jurnalı 2025/26 mövsümünün ən yaxşı futbolçusuna verilən “Qızıl top” mükafatına bütün namizədləri açıqlayıb.
Yeniavaz.com xəbər verir ki, bu barədə mükafatın mətbuat xidməti məlumat yayıb.
Ümumilikdə siyahıda 30 futbolçu yer alıb.
Müdafiəçilər: Mark Kukurelya (“Real Madrid”), Pau Kubarsi (“Barselona”), Dayo Upamekano (“Bavariya”), Vilyam Saliba, Qabriel Maqalyayns (hər ikisi “Arsenal”), Markinyos, Aşraf Hakimi, Vilyam Paço, Nuno Mendeş (hamısı PSJ);
Yarımmüdafiəçilər: Cud Bellinqem (“Real Madrid”), Deklan Rays (“Arsenal”), Bruno Fernandes (“Mançester Yunayted”), Joao Neveş, Vitinya, Fabian Ruis (hamısı PSJ), Rodri (“Barselona”);
Hücumçular: Usman Dembele, Xviça Kvaratsxeliya, Ferran Torres (hamısı PSJ), Lamin Yamal (“Barselona”), Sadio Mane (“Əl-Nəsr”), Lautaro Martines (“İnter”), Kilian Mbappe (“Real Madrid”), Erlinq Holan (“Mançester Siti”), Lionel Messi (“İnter Mayami”), Harri Keyn, Luis Dias, Maykl Olise (hamısı “Bavariya”), Xulian Kinyones (“Əl-Qadisiyə”).
Siyahıda PSJ-nin 10 oyunçusu yer alıb ki, bu da mükafat üçün rekord göstəricidir. Belə ki, 2025-ci ildə Fransa komandasından doqquz oyunçu mükafata namizəd göstərilib. Əvvəlki rekord 2018-ci ildə səkkiz oyunçusu namizəd göstərilmiş “Real Madrid”ə məxsus idi.
Qeyd edək ki, “Qızıl top” mükafatı “France Football jurnalının keçmiş baş redaktoru Qabriel Ano tərəfindən təsis edilib. Mükafat ilk dəfə 1956-cı ildə “Blekpul”un hücumçusu Stenli Mettyusa təqdim edilib və qalib futbol jurnalistləri tərəfindən müəyyən edilib. Əvvəlcə mükafata yalnız avropalı futbolçular layiq görülürdü, lakin 1995-ci ildən bəri istənilən millətdən olan oyunçular layiq görülməyə başladı, ancaq yeganə tələb Avropa klubunda oynamaq idi. 2007-ci ildən bəri istənilən oyunçu kuboku qazanmaq hüququna malikdir.
Xatırladaq ki, ötən il “Qızıl top” mükafatını Dembele qazanıb. Ən çox mükafat rekorduna isə Messi sahibdir (səkkiz mükafat).
Mükafatlandırma mərasimi oktyabrın 26-da Londonda keçiriləcək və bu, ilk dəfə Parisdən kənarda baş tutacaq.