“Gilan Lift”in 376 min manatdan çox vergi borcu yaranıb

Vaxtı ilə ölkənin aparıcı lift istehsalçılarından olan “Gilan Lift” MMC-nin (VÖEN – 1401308331) dövlət büdcəsinə külli miqdarda vergi borcu yaranıb.
Yeniavaz.com açıqlanan rəsmi məlumatlara istinadən bildirir ki, “Gilan Lift” MMC-nin vergi borcu 376 min 795 manat 89 qəpik təşkil edir.
Qeyd edək ki, “Gilan Lift” MMC 2008-ci il martın 7-də dövlət qeydiyyatına alınıb. Şirkətin nizamnamə kapitalı 100 manatdır. MMC-nin hüquqi ünvanı Qəbələ rayonu, Qəbələ şəhəri, S. Ə. Kərimov küçəsi, ev 34-də yerləşir. “Gilan Lift” MMC-nin qanuni təmsilçisi İbrahimov Zaur Davud oğludur.
Məlumat üçün qeyd edək ki, ölkənin aparıcı şirkətlərindən olan “Gilan Holdinq”ə bağlı olan “Gilan Lift” MMC hazırda fəaliyyət göstərmir.

Elnur Əli