ABŞ-nin Kolumbiya və Braun universitetlərindən olan tədqiqatçılar metastatik mədəaltı vəzi xərçənginin müalicəsində yeni bir yanaşmanın erkən klinik sınaqlarından ümidverici nəticələr əldə etdiklərini bildiriblər.
Yeniavaz.com xəbər verir ki, nəticələr “Nature Communications” jurnalında dərc olunub.
Tədqiqatda əvvəllər heç bir müalicə almamış, yeni diaqnoz qoyulmuş metastatik döş xərçəngi olan 11 xəstə iştirak edib. Onlara dörd dərman kombinasiyası verilib: CXCR4 reseptor blokatoru “Motiksafortid”, immun dərmanı “Semiplimab” və kimyaterapiya dərmanları “Gemsitabin” və “Nab-paklitaksel”.
Bir xəstənin nəticəsi xüsusilə təsirli olub. Şiş müalicəyə o qədər yaxşı cavab verib ki, xəstə əməliyyat oluna bilib. Çıxarılan toxumanın müayinəsi zamanı canlı xərçəng hüceyrələri aşkarlanmayıb, həmçinin həkimlər tam patoloji reaksiya qeydə alıblar.
Xəstədə terapiyanın başlanmasından sonra üç ildən çox, əməliyyatdan sonra isə əlavə müalicə almadan iki ildən çox xəstəliyin əlaməti görünməyib. Belə bir reaksiya metastatik mədəaltı vəzi xərçəngində olduqca nadir hesab olunur.
İştirakçıların orta hesabla proqressivləşmədən sağlam qalma müddəti 9,7 ay, ümumi sağ qalma müddəti isə 10,1 ay təşkil edib. Müqayisə üçün, “Gemsitabin” və “Nab-paklitaksel” ilə standart terapiya aparılan zaman bu rəqəmlər, adətən, müvafiq olaraq üç-dörd və altı ay civarında olur.
Alimlər hesab edirlər ki, nəticələrin sirri təkcə şişə birbaşa deyil, həm də onun mikro mühitinə təsir etməkdədir. Mədəaltı vəzi xərçəngi, açıq şəkildə immunosupressiv mühit yaradan və şişi immun sisteminin hücumundan qoruyan toxumalar və immun hüceyrələri ilə əhatə olunub.
Yeni yanaşma şişi qoruyan bir neçə mexanizmin eyni vaxtda hədəfə alınmasına imkan verib. Tədqiqat həmçinin alimlərə effektiv müalicələrin belə zamanla işləməməsinin səbəbini anlamağa kömək edib. Qan və şiş toxuması nümunələrinin tədqiqatları göstərib ki, terapiya həqiqətən şişin immun mühitini dəyişdirir. Lakin, zaman keçdikcə xərçəng hüceyrələrinə hücum edən T-limfositlər funksional olaraq tükənir və effektiv immun reaksiyası yaratmaq qabiliyyətini itirirlər.
Tətbiqimizi yükləyə bilərsiniz
