“Evdə Tək 2” və “O” filmlərindəki rolları ilə tanınan britaniyalı aktyor Tim Karri 80 yaşında vəfat edib.
Yeniavaz.com xəbər verir ki, bu barədə TMZ portal mənbələrə istinadla məlumat yayıb.
Məlumata görə, Karri avqustun 25-də yerli vaxtla saat 23:23-də (26 avqustda Bakı vaxtı ilə saat 10:23) Los-Ancelesdəki evində vəfat edib.
Ölüm səbəbi məlum deyil.
2012-ci ildə aktyor ağır insult keçirib və bu, onun səhhətində problemlər yaradıb. Karri əlil arabasından istifadə etsə də, əsasən cizgi filmləri və video oyunlarında dublyaj aktyoru kimi işləməyə davam edib.
Tim Karri 1946-cı ildə Çeşir ştatının Uorrinqton şəhərində anadan olub. Məktəbdən sonra Birminqem Universitetində dram təhsili alıb və daha sonra teatr karyerasına başlayıb. 1970-ci illərdə o, həmçinin televiziya seriallarında və filmlərdə rol almağa başlayıb və 1975-ci ildə “The Rocky Horror Picture Show” kult rok operasında böyük ekranda debüt edib.
Bundan sonra karyerası yüksəlib, lakin Karri əsasən müstəqil filmlərdə rol alıb. Lakin 1985-ci ildə Ridli Skott ona “Əfsanə” fantastik macəra filmində Qaranlıq Lord rolunu təklif edib. Digər əsas rollar da bunun ardınca çəkilib. 1980-ci ildə aktyor Kinqin “O” romanının ilk film adaptasiyasında kloun Pennivays rolunu oynayıb. Bu film ona əsl populyarlıq gətirib. Lakin Karri bir rolda qalmayıb və müxtəlif obrazları canlandırıb.
Tətbiqimizi yükləyə bilərsiniz
