Dünyanın ən böyük səhm bazarları açıqlanıb – 44 faizi ABŞ-nin payına düşüb

Ötən il dünya üzrə səhm bazarlarının ümumi kapitallaşması rekord həddə çatıb.
Yeniavaz.com Ümumdünya Birjalar Federasiyasına istinadən xəbər verir ki, bu göstərici 157,8 trilyon dollar olub və 2024-cü illə müqayisədə 25 trilyon dollardan çox artıb.
ABŞ 68,9 trilyon dollarlıq bazar kapitallaşması ilə dünyanın ən böyük səhm bazarı olaraq qalır. ABŞ-nin qlobal səhm bazarındakı payı 44 faizdir.
ABŞ-də dünyanın ən böyük fond birjalarından olan Nyu-York Fond Birjası və “Nasdaq” yerləşir. Ölkənin iri şirkətlərinin səhmlərinin böyük hissəsi bu birjalarda alınıb-satılır.
Çin və Avropa İttifaqı isə 15,5 trilyon dollara yaxın kapitallaşma ilə ikinci  və üçüncü yerləri bölüşürlər. Hindistan 10,6 trilyon dollarla dördüncü, Yaponiya isə 7,6 trilyon dollarla beşinci yerdədir.
Honkonqun səhm bazarının kapitallaşması 6,1 trilyon dollar, Böyük Britaniyanın 5,6 trilyon dollar, Kanadanın isə 4,6 trilyon dollar olub.
Asiyada Hindistan, Yaponiya və Sinqapur da böyük səhm bazarlarına malik ölkələr sırasındadır.
2025-ci ilin sonunda dünyanın əsas səhm bazarları belə olub:
ABŞ – 68,9 trilyon dollar (44%)
Çin – 15,5 trilyon dollar (10%)
Avropa İttifaqı – 15,5 trilyon dollar (10%)
Hindistan – 10,6 trilyon dollar (7%)
Yaponiya – 7,6 trilyon dollar (5%)
Honkonq – 6,1 trilyon dollar (4%)
Birləşmiş Krallıq – 5,6 trilyon dollar (4%)
Kanada – 4,6 trilyon dollar (3%)
Avstraliya – 2 trilyon dollar (1%)
Sinqapur – 0,8 trilyon dollar (1%)
Digər inkişaf etmiş bazarlar – 13,6 trilyon dollar (9%)
Digər inkişaf etməkdə olan bazarlar – 6,9 trilyon dollar (4%)
Dünya üzrə ümumi göstərici – 157,8 trilyon dollar (100%)

Murad Məmmədov