Azərbaycanda ən çox hansı marka avtomobillərə tələbat var? – Siyahı

Bu ilin əvvəlinə olan məlumata görə, Azərbaycanda qeydiyyatda olan minik avtomobillərinin sayı 1 milyon 676 min 80 ədəd olub.
Yeniavaz.com-un açıqlanan rəsmi statistikaya istinadən apardığı hesablama göstərir ki, son bir ildə ölkədə minik avtomobillərinin sayı 5,7% və ya 90 min 815 ədəd artıb.
Qeyd edək ki, son bir ildə ən çox artım “Changan” avtomobillərində qeydə alınıb. Bu markanın sayı 2024-cü ildəki 8 950 ədəddən 2025-ci ildə 38 min 784 ədədə yüksəlib. Beləliklə, “Changan”ların sayı bir il ərzində 29 min 834 ədəd və ya 4,3 dəfə artıb.
İkinci ən böyük artım BYD markasında olub. BYD avtomobillərinin sayı 4 083-dən 19 min 799-a yüksəlib. Artım 15 min 716 ədəd və 4,8 dəfə təşkil edib.
“Hyundai” avtomobillərinin sayı 142 min 814-dən 153 min 983-ə yüksəlib. Bu, 11 min 169 avtomobil artım deməkdir.
“Toyota” markasında da ciddi artım qeydə alınıb. Avtomobillərin sayı 115 min 151-dən 124 min 922-yə yüksəlib və 9 771 ədəd artıb.
KIA avtomobillərinin sayı isə 97 min 753-dən 106 min 962-yə çatıb. Artım 9 209 ədəd olub.
Bundan başqa, “Chevrolet” avtomobillərinin sayı 6 964, “Ford” 2 806, BMW 2 320, “Nissan” 1 752, “Mercedes” isə 1 808 ədəd artıb.
Eyni zamanda bəzi markaların avtomobillərinin sayı azalıb. Ən böyük azalma “Vaz-210, 03-06” modellərində qeydə alınıb. Bu avtomobillərin sayı 199 min 68-dən 190 min 874-ə düşüb. Beləliklə, say 8 194 ədəd azalıb.
“Vaz-2105, 2107” və modifikasiyalarının sayı da 126 min 469-dan 124 min 902-yə enib. Azalma 1 567 ədəd təşkil edib.
“Vaz-2108, 2109” və modifikasiyalarının sayı 24 min 501-dən 23 min 792-yə düşüb və 709 ədəd azalıb.
“Opel” avtomobillərinin sayı 72 min 44-dən 71 min 507-yə enib. Bu markada azalma 537 ədəd olub.
“Gaz-24” və modifikasiyalarının sayı da 25 min 926-dan 25 min 438-ə düşüb. Azalma 488 avtomobil təşkil edib.
Həmçinin “Daewoo” markasında 443, “Vaz-2102, 210”4 və modifikasiyalarında 261, “Moskviç” və modifikasiyalarında 291, “Renault” markasında 208, “Tofaş” avtomobillərində isə 216 ədəd azalma qeydə alınıb.
Onu da qeyd edək ki, ölkədə qeydiyyatda olan minik avtomobillərinin 80,6 faizi benzin, 9,6 faizi dizel, 1,4 faizi qaz, 8 faizi hibrid, 0,5 faizi isə elektrik mühərriki ilə işləyib. Ən böyük artım hibrid avtomobillərdə qeydə alınıb. Hibrid avtomobillərin sayı bir il ərzində təxminən 2 dəfə artıb. “Plug-in” hibridlərdə isə artım 6 dəfəyə yaxın olub. Qazla işləyən avtomobillərin sayı 70,5 faiz, elektrik mühərrikli avtomobillərin sayı 38,3 faiz, benzinlə işləyən avtomobillərin sayı isə 2,8 faiz artıb. Dizellə işləyən avtomobillərin sayı isə 13,1 faiz azalıb.
Bu ilin əvvəlinə olan sonuncu məlumata görə, Azərbaycanda qeydiyyatda olan minik avtomobillərindən bəzilərinin sayı aşağıdakı kimi olub:
Mercedes – 222 050 ədəd
Vaz-2101, 03-06 – 190 874 ədəd
Hyundai – 153 983 ədəd
Toyota – 124 922 ədəd
Vaz-2105, 2107 və mod. – 124 902 ədəd
KIA – 106 962 ədəd
Opel – 71 507 ədəd
Chevrolet – 61 937 ədəd
Nissan – 50 227 ədəd
BMW – 46 904 ədəd
Changan – 38 784 ədəd
Vaz-2121 və modifikasiya – 36 260 ədəd
Ford – 27 492 ədəd
Volkswagen – 25 511 ədəd
Gaz-24 və modifikasiya – 25 438 ədəd
Moskvich və modifikasiya – 24 621 ədəd
Vaz-2108, 2109 və mod. – 23 792 ədəd
Mitsubishi – 23 104 ədəd
BYD – 19 799 ədəd
Vaz-2102, 2104 və mod. – 14 636 ədəd
LANDROVER – 14 303 ədəd
Lexus – 13 630 ədəd
Renault – 12 518 ədəd
Honda – 12 485 ədəd
Daewoo – 10 317 ədəd
Khazar – 7 717 ədəd
Lada – 7 586 ədəd
Audi – 6 585 ədəd
Fiat – 6 114 ədəd
Zaporojets və modifikasiya – 5 926 ədəd
NAZ Lifan – 5 913 ədəd
Tofash – 5 907 ədəd
Jeep – 4 419 ədəd
GAZ M-21 Volqa və modifikasiya – 4 372 ədəd
Geely – 3 652 ədəd
Azsamand – 3 330 ədəd
Haval – 3 298 ədəd
CHERY – 3 178 ədəd
Skoda – 2 770 ədəd
Porsche – 2 738 ədəd
Saipa – 2 720 ədəd
Ravon – 2 546 ədəd
Baic – 2 465 ədəd
Infiniti – 2 461 ədəd
Uaz-469 və modifikasiya – 2 365 ədəd
Subaru – 2 227 ədəd
Peugeot – 2 077 ədəd
Oka-1111 – 2 052 ədəd
Volvo – 1 896 ədəd
London TX – 1 748 ədəd
FAW – 1 368 ədəd
Dacia – 1 360 ədəd
Tesla – 1 144 ədəd
Seat – 1 142 ədəd
Dong Feng – 1 114 ədəd
Dodge – 1 076 ədəd
Suzuki – 987 ədəd
MG – 929 ədəd
GAC – 924 ədəd
JAC – 916 ədəd
Great Wall – 897 ədəd
Ssang Yong – 695 ədəd
Tavriya – 657 ədəd
Runna – 551 ədəd
Cadillac – 502 ədəd
Luaz – 478 ədəd
Jaguar – 471 ədəd
Mini – 446 ədəd
Bentley – 392 ədəd
GMC – 353 ədəd
Hummer – 349 ədəd
Citroen – 332 ədəd
Bogdan – 330 ədəd
Lincoln – 292 ədəd
Alfa Romeo – 274 ədəd
Maserati – 223 ədəd
Daihatsu – 216 ədəd
GAZ M-20 Pobeda və modifikasiya – 200 ədəd
Saturn – 188 ədəd
Buick – 123 ədəd
Isuzu – 96 ədəd
Rover – 86 ədəd
Rolls Royce – 85 ədəd

Elnur Əli