Dieqo Maradonanın 1986-cı il Dünya Kubokunda “Tanrının əli” ləqəbi ilə tanınan qolunu vurmaq üçün istifadə etdiyi top hərracda 3,3 milyon dollara satılıb.
Yeniavaz.com xəbər verir ki, bu barədə BBC telekanalı məlumat yayıb.
Məlumata görə, topun əvvəlcə 10 milyon dollara satılması proqnozlaşdırılıb.
Argentinalı futbolçu 1/4 final matçında İngiltərəyə qarşı bu topla iki qol vurub. O, qollardan birini əli ilə vurub. İngiltərə oyunçularının qəzəbinə baxmayaraq, hakim Əli Bin Nasser qolu qəbul edib və qolun başla vurulduğunu bildirib. Maradonanın özü mübahisəli qolun qismən Maradonanın başı, qismən də “Tanrının əli” ilə vurulduğunu bildirib.
Argentina nəhayət 1986-cı ildə Dünya Kubokunun qızıl medalını qazanıb.
30 ildən çoxdur ki, bu top eyni hakimə məxsus olub. 2022-ci ildə Əli Bin Nasser onu 2,37 milyon dollara satıb. Yeni sahibi topu 2023-cü ildə hərraca çıxarıb, lakin hərrac əhəmiyyətli maraq doğurmayıb və satışdan çıxarılıb.
Qeyd edək ki, Maradona “Arxentinos Xuniors”, “Boka Xuniors”, “Barselona”, “Napoli”, “Sevilya” və Nyuells Old Boys” komandalarında, eləcə də Argentina milli komandasında oynayıb. O, 1986-cı il Dünya Kuboku çempionu, 1990-cı il Dünya Kubokunda gümüş medalçı, 1979-cu ildə 21 yaşadək futbolçular arasında Dünya Çempionu, 1986-cı il Dünya Kubokunun ən yaxşı oyunçusu və 1979 və 1980-ci illərdə Cənubi Amerikanın “İlin Futbolçusu” olub. O, iki dəfə Dünya Kubokunun ulduzu, “Boka Xuniors”la Argentina çempionu və “Napoli” ilə iki dəfə İtaliya çempionu olub.
Tətbiqimizi yükləyə bilərsiniz
