“ChatGPT” çatbotunun yaradıcısı “OpenAI” elmi-tədqiqat təşkilatı 2027-ci ildə səhmlərini ictimaiyyətə təqdim etməyi planlaşdırır.
Yeniavaz.com CNBC telekanalına istinadla xəbər verir ki, bu barədə “OpenAI”ın maliyyə direktoru Sara Frayar bildirib.
Frayar ilkin kütləvi təklifin (IPO) finiş xətti deyil, “OpenAI” tarixində mühüm bir mərhələ, kapital cəlb etmək üçün növbəti mərhələ olduğunu bildirib.
Frayar qeyd edib ki, şirkət mart ayında 122 milyard dollar cəlb etdikdən sonra əhəmiyyətli maliyyə çevikliyi qazanıb.
O, həmçinin qeyd edib ki, əsas süni intellekt rəqibi “Anthropic” bazara daha tez daxil olsa belə, narahat olmağa ehtiyac yoxdur, çünki “OpenAI” öz yolundadır.
CNBC-nin məlumatına görə, “OpenAI” iki ay əvvəl ABŞ Qiymətli Kağızlar və Birja Komissiyasına məxfi şəkildə IPO sənədlərini təqdim edib.
Həmçinin, telekanalın məlumatına görə, “OpenAI”ın illik gəliri bu yaxınlarda 40 milyard dolları keçib və təşkilatın gəliri cari rübdə təxminən 50% artıb.
Tətbiqimizi yükləyə bilərsiniz
