“Microsoft” şirkətinin təsisçisi Bill Qeytsin qızı Fibi Qeytsin “Phia” startapı vasitəsilə qanunsuz mənfəət əldə etməsi sübut olunarsa, o, 20 ilə qədər həbs cəzası ilə üzləşə bilər.
Yeniavaz.com xəbər verir ki, bu barədə amerikalı əqli mülkiyyət vəkili Ariel Qivner “X” sosial şəbəkə səhifəsində məlumat verib.
Belə ki, bundan əvvəl “Bloomberg” agentliyi mənbələrə və daxili yazışmalara istinadla 23 yaşlı Fibi Qeyts və onun ortağı, “Phia” elektron ticarət şirkətinin həmtəsisçisi Sofiya Kianni saxta kukilərin istifadəsi barədə ən azı yeddi ay məlumatlı olublar.
Qivnerin sözlərinə görə, Amerika məhkəmələri adətən bu cür hərəkətləri federal kiberfırıldaqçılıq kimi təsnif edir.
“Bu, etmədiyiniz satışlardan komissiya əldə etmək üçün filial fayllarının avtomatlaşdırılmış şəkildə daxil edilməsidir. 20 ilə qədər həbs cəzası, üstəgəl cərimələr və kompensasiya istisna deyil”, - deyə vəkil qeyd edib.
Qeyd edək ki, “Phia” istifadəçilərə endirimli məhsullar tapmağa kömək edən rəqəmsal fərdi alış-veriş köməkçisidir. Startapın tərtibatçıları tətbiq vasitəsilə daxil olan veb saytlardan satışlardan komissiya alırlar. Lakin istifadəçinin xəbəri olmadan tətbiq, bazara necə daxil olmalarından asılı olmayaraq, onların məlumatlarını bütün alış-verişlərlə əlaqələndirib. Beləliklə, “Bloomberg”in iyul ayında verdiyi məlumata görə, “Phia” hətta xidmətlə əlaqəsi olmayan əməliyyatlar üçün də komissiya alıb.
Xatırladaq ki, daha əvvəl bu startapın dəyərinin 180 milyon dollara qədər artdığı bildirilirdi.
Tətbiqimizi yükləyə bilərsiniz
