İrandan gələn sui-qəsd təhdidi ötən ay Türkiyədən ABŞ prezidentinin gizli şəkildə təxliyə edilməsinə səbəb olub.
Yeniavaz.com xəbər verir ki, bu barədə “The Washington Post” öz mənbələrinə istinadla məlumat yayıb.
Məlumata görə, Donald Tramp gizli şəkildə köhnə “Air Force One” (Boeing 747) təyyarəsindən C-32A təyyarəsinə keçirilib. Bu zaman Ağ Ev ictimaiyyətə Trampın “Air Force One”da olduğu barədə məlumat verməkdə davam edib.
Məlumata görə, Tramp “Air Force One”ı hava limanında ketrinq xidməti göstərən yük maşınının köməyi ilə tərk edib və “Reach 18” çağırış siqnalı ilə uçan C-32A-ya minib. Trampın jurnalistlər və əməkdaşları daşıyan köhnə “Air Force One” təyyarəsi isə prezidentin hələ də onun göyərtəsində olduğuna inanan şəxslərlə birlikdə Britaniyaya uçub. Beləliklə, həmin təyyarə aldadıcı hədəf kimi istifadə olunub və Britaniyaya “Air Force One” çağırış siqnalı ilə davam edib.
Bunun səbəbinin ABŞ-nin İrana qarşı yeni zərbələrindən sonra Trampa və ya onun təyyarəsinə qarşı İran tərəfindən irəli sürülən real və etibarlı təhdid olduğu bildirilir.
Hadisənin ən diqqətçəkən məqamlarından biri isə aldadıcı əməliyyatın bəzi Ağ Ev əməkdaşlarına və jurnalistlərə də şamil edilməsi olub. Onlara Trampın təyyarəni dəyişdirdiyi barədə məlumat verilməyib.
Tətbiqimizi yükləyə bilərsiniz
