Dünyanın ən yaşlı prezidenti itkin düşüb?

Dünyanın ən yaşlı dövlət başçısı, 93 yaşlı Kamerun Prezidenti Pol Biya iki aydan çoxdur ki, ölkədən kənardadır.
Yeniavaz.com xəbər verir ki, bu barədə “Associated Press” agentliyi məlumat yayıb.
Məlumata görə, Biya 7 iyunda Kamerunu tərk edib, Avropaya qısamüddətli şəxsi səfər elan edib.
Lakin səfər uzanıb və onun hakimiyyəti dövründə qeydə alınmış ən uzun səfərlərdən biri olub.
Bütün bu müddət ərzində dövlət başçısı ictimaiyyət qarşısında heç bir çıxış etməyib.
Onun uzun müddət yoxluğu səhhəti ilə bağlı suallara və müxalifət tərəfindən tənqidlərə səbəb olub.
Həmçinin, Dünyanın ən yaşlı prezidentinin səfəri Kamerunun silahlı münaqişələrlə dolu olduğu bir vaxta təsadüf edir. Şimalda Boko Haram terror qruplaşması fəaliyyət göstərir, qərbdə separatçı münaqişə davam edir və Mərkəzi Afrika ölkəsinin iqtisadiyyatı durğunluq içindədir.
Ekspertlər bildirirlər ki, Pol Biyanın xaricdə uzun müddət qalması yalnız sosial gərginliyi və xalqın narazılığını artırır.
Digər tərəfdən, müxalifət nümayəndələri iddia edirlər ki, prezidentin uzun müddətdir yoxluğu virtual hakimiyyət boşluğu yaradıb və dövlət işləri avtomatik olaraq həyata keçirilib.
Qeyd edək ki, Pol Biya 1982-ci ildən Kamerun prezidenti vəzifəsini icra edir. 2025-ci ilin payızında o, səkkizinci müddətə yenidən prezident seçilib.