ABŞ Senatı Rusiyaya qarşı sanksiyalar qanun layihəsinə səs verib.
Yeniavaz.com “Reuters”ə istinadən xəbər verir ki, qanun layihəsi artıq Nümayəndələr Palatası tərəfindən nəzərdən keçiriləcək və bundan sonra ABŞ Prezidenti Donald Tramp tərəfindən imzalanmalıdır. Nümayəndələr Palatası qanun layihəsini nə vaxt nəzərdən keçirəcəyi məlum deyil.
Qanun layihəsi 11 iyul 2026-cı ildə vəfat edən Lindsi Qrem tərəfindən təqdim edilib.
“Bu qanun layihəsi Putinin (Rusiya Prezidenti Vladimir - red.) yaralı yerinə dəyir”, - Qremin Senatda onun yerini tutan bacısı Darlin Qrem Nordon bildirib.
Sanksiyalar qanun layihəsi ABŞ prezidentinə Rusiya nefti, uran və təbii qaz alan və ya sanksiyalardan yayınmağa kömək edən ölkələrdən idxala 100% tarif tətbiq etmək səlahiyyəti verir. Buraya Rusiyanın müdafiə, enerji və maliyyə təşkilatlarına, Rusiyanın kölgə donanmasına, eləcə də Rusiya rəsmilərinə, oliqarxlarına və onların ailələrinə qarşı sanksiyalar daxildir. Qanun layihəsi 2025-ci ildə təqdim edilmişdi, lakin Donald Trampın qeyri-müəyyən mövqeyi səbəbindən uzun müddət dayandırılmışdı. ABŞ prezidenti həm məhdudiyyətləri sərtləşdirmək, həm də aradan qaldırmaq üçün daha geniş səlahiyyətlər tələb etdi.
Tətbiqimizi yükləyə bilərsiniz
