Beynəlxalq Futbol Federasiyaları Assosiasiyası (FIFA) ilk dəfə “FIFA Forward Enterprise” adlı yeni bir struktur vasitəsilə xarici investisiya cəlb etməyi planlaşdırır.
Yeniavaz.com xəbər verir ki, bu barədə “Bloomberg” agentliyi məlumat yayıb.
Məlumata görə, yeni strukturun dəyəri 20 milyard dollardır. FIFA təşkilatın media və kommersiya hüquqlarına sahib olacaq yeni strukturdakı səhmlərin təxminən 20%-ni satmaqla investorlardan 4,2 milyard dollara qədər vəsait toplamağı hədəf qoyur.
Nəzərdən keçirilən potensial investorlar arasında amerikalı sahibkar Coşua Kuşnerin “Thrive Eternal” fondu da var.
Alınan vəsaitin, digər məsələlərlə yanaşı, milli futbol assosiasiyalarına ödənişləri artırmaq üçün istifadə edilməsi nəzərdə tutulur. Hazırda hər bir FIFA üzvü ölkə təşkilatdan ildə təxminən 2 milyon dollar alır.
Digər tərəfdən, Avropa Futbol Assosiasiyaları İttifaqı (UEFA) FIFA-nın kommersiya hüquqlarının bir hissəsini investorlara satmaq planları ilə bağlı məlumatları pisləyib.
“Futbolun ruhu və idarəçiliyi mübadilə edilən bir əmtəə deyil. Heç bir qurum futbola sahib deyil və FIFA-nın onu satmaq hüququ yoxdur”, - UEFA qeyd edib.
Tətbiqimizi yükləyə bilərsiniz
