Fransada bir ayda oğrular üç muzeyi qarət etdilər

İyul ayında Fransadakı Tarn, Kot-d'Or və Bas-Rin departamentlərində üç muzey qarət edilib.
Yeniavaz.com xəbər verir ki, bu barədə “Le Parisien” məlumat yayıb.
Bildirilib ki, iyulun 1-i Tarn departamentindəki Montana arxeoloji mərkəzində gecə yarısı bir seyf qapısı sındırılıb. 15 dəqiqədən az müddətdə eramızdan əvvəl 50-ci ilə aid təxminən 40 sikkə oğurlanıb. Zərər 120.000 avronu keçib. Dörd gün sonra oğrular Vingens-sur-Moderdəki Lalique Muzeyindən 27 zərgərlik əşyası oğurlayıblar. Bunu etmək üçün oğrular altı vitrini çəkic və kucalda ilə sındırıblar. 10 dəqiqə ərzində 4,5 milyon avrodan çox ziyan vurublar.
Ən son soyğunçuluq 24 iyulda Kot-d'Or departamentindəki Şatilyon-sur-Sendəki regional muzeydə baş verib. Vitrini sındırdıqdan sonra iki quldur qiymətsiz hesab edilən “Viks xanımı” qızıl boyunbağısını oğurlayıblar. Onun çəkisi 480 qramdır və eramızdan əvvəl V əsrə aiddir. Məqalədə deyilir ki, oğurluqda şübhəli bilinənlərdən biri tutulub.
İyun ayında oğrular Turindəki Sant'Agostino hərrac evinə cəmi dörd dəqiqə ərzində basqın ediblər. Hərracdan əvvəl soyğunçular zərgərlik, saat və digər əşyalar da daxil olmaqla 1 milyon avro dəyərində qiymətli əşyaları oğurlamağı bacarıblar. Daha sonra onlar səssizcə diqqətdən kənarda qalıblar.