Zidan Fransa millisinin baş məşqçisi oldu

Dünya çempionu və üçqat Çempionlar Liqasının qalibi Zinəddin Zidan Fransa millisinin baş məşqçisi olub.
Yeniavaz.com xəbər verir ki, bu barədə Fransa Futbol Federasiyasının prezidenti Filip Diallo məlumat yayıb.
Onun sözlərinə görə, müqavilə 2030-cu il Dünya Kubokunun sonuna qədər qüvvədədir.
Zidan komandaya 14 il rəhbərlik etmiş Didye Deşamı əvəz edib.
Qeyd edək ki, 54 yaşlı Zidan sonuncu dəfə 2019-cu ildən 2021-ci ilə qədər və yenidən 2016-cı ildən 2018-ci ilə qədər “Real Madrid”ə rəhbərlik edib. Onun rəhbərliyi altında Madrid komandası üç dəfə Çempionlar Liqasını, iki dəfə İspaniya liqasını və İspaniya Super Kubokunu qazanıb.
Oyunçu karyerası ərzində Zidan Fransanın “Kann” və “Bordo”, İtaliyanın “Yuventus”, həmçinin, “Real Madrid” klublarında oynayıb. “Real Madrid” klubu ilə o, 2003-cü ildə İspaniya çempionluğunu qazanıb. 2002-ci ildə Çempionlar Liqasının finalında Almaniyanın “Bayer Leverkuzen” klubuna (2-1) qələbə qolunu vurub. “Yuventus”la isə Zidan iki dəfə İtaliya çempionluğunu qazanıb.
Fransa millisinin üzvü kimi Zidan 108 oyun keçirib, 31 qol vurub və 29 məhsuldar ötürmə edib. O, Dünya Kubokunun qalibi (1998) və gümüş medalçısı (2006), eləcə də Avropa çempionu (2000) olub.