İsrailin Baş naziri Benyamin Netanyahu Vaşinqtona yola düşməzdən əvvəl ABŞ Prezidenti Donald Trampla gündəlikdəki bütün məsələləri, xüsusən də İranı müzakirə etmək niyyətində olduğunu bildirib.
Yeniavaz.com xəbər verir ki, bu barədə İsrailin Baş nazirinin ofisi məlumat yayıb.
“Trampla görüşmək üçün Vaşinqtona gedirəm. Bu, Baş nazir kimi onunla ABŞ Prezidenti vəzifəsinə ikinci müddətə seçilməsindən bəri səkkizinci görüşümdür. Baş nazir kimi təcrübəm göstərir ki, bu çətin dövrlərdə böyük qətiyyət və böyük müdrikliklə hərəkət etməliyik. Gündəlikdəki bütün məsələləri, xüsusən də İranı müzakirə edəcəyik”, - İsrailin Baş naziri qeyd edib.
Netanyahu həmçinin bildirib ki, onun məqsədi aydındır. Bu məqsəd İsrailin təhlükəsizliyini təmin etmək, gücünü artırmaq, eləcə də sülh dairəsini genişləndirməkdir. Baş nazir əlavə edib ki, səfər zamanı senator Lindsi Qremə son ehtiramını da bildirəcək.
Tətbiqimizi yükləyə bilərsiniz
