Kazemiro Messinin komanda yoldaşı oldu

Braziliyalı futbolçu Kazemiro Amerikanın “İnter Mayami” klubu ilə müqavilə imzalayıb.
Yeniavaz.com xəbər verir ki, bu barədə komandanın mətbuat xidməti məlumat yayıb.
Məlumata görə, 34 yaşlı yarımmüdafiəçi ilə müqavilə 2029-cu ilin iyun ayının sonuna qədər qüvvədədir.
Qeyd edək ki, braziliyalı futbolçunun ən son klubu 2022-ci ilin yayında qoşulduğu “Mançester Yunayted” olub. Kazemiro onlarla birlikdə Liqa Kubokunu və İngiltərə Kubokunu qazanıb. Daha əvvəl o, Braziliyanın “San Paulo”, Portuqaliyanın “Porto” və İspaniyanın “Real Madrid” klublarında oynayıb və onlarla birlikdə beş dəfə Çempionlar Liqasını qazanıb. Madrid klubu ilə yarımmüdafiəçi həmçinin üç İspaniya liqa titulunu, üç İspaniya Super Kubokunu, bir UEFA Super Kubokunu və bir FIFA Klublararası Dünya Kubokunu, eləcə də bir İspaniya Kubokunu qazanıb. O, həmçinin Braziliya milli komandası ilə “Amerika "Kuboku”nun (2019) sahibi olub.
Xatırladaq ki, “İnter Mayami” Böyük Futbol Liqasının (MLS) hazırkı çempionudur. Komandanın kapitanı səkkiz dəfə “Qızıl top” mükafatçısı, argentinalı Lionel Messidir.