2018-ci il “Qızıl top” mükafatının sahibi və altı dəfə Çempionlar Liqasının qalibi xorvatiyalı futbolçu Luka Modriç İtaliyanın “Milan” klubu ilə müqaviləsini uzatmağa razılıq verib.
Yeniavaz.com xəbər verir ki, bu barədə jurnalist Fabritsio Romano məlumat yayıb.
Onun sözlərinə görə, müqavilə qısa müddətə bağlanacaq.
Qeyd edək ki, 40 yaşlı Modriç ötən mövsümdən bəri “Milan”da çıxış edir. 2012-ci ilin yayından bəri xorvatiyalı “Real Madrid”in oyunçusu olub. Yarımmüdafiəçi klubla altı Çempionlar Liqası, beş Klublararası Dünya Kuboku, dörd İspaniya liqası, iki İspaniya Kuboku və beş İspaniya Super Kubokunu qazanıb. Modriç 2018-ci ildə “Qızıl Top” mükafatını qazanıb.
Karyerası ərzində o, həmçinin İngiltərənin “Tottenhem”, Xorvatiyanın “Dinamo” və “İnter”, eləcə də Bosniya və Herseqovinanın “Zrinjski Mostar” klublarında oynayıb.
Xorvatiya milli komandasının üzvü kimi Modriç Dünya Çempionatında gümüş (2018) və bürünc (2022) medal qazanıb. 2026-cı il turniri onun beşinci Dünya Çempionatı olub.
Tətbiqimizi yükləyə bilərsiniz
