“Facebook” və “Instagram”da böyük fasilə yarandı

Məşhur sosial şəbəkələr “Facebook” və “Instagram”da böyük bir fasilə yaranıb.
Yeniavaz.com xəbər verir ki, bu barədə “Downdetector” portalı məlumat verib.
Məlumata görə, dünyanın hər yerində “Facebook” və “Instagram”ın işində fasilələr olduğu bildirilir.
İstifadəçilər hesablarına daxil olarkən, lentləri yeniləyərkən və mesaj göndərərkən problemlərlə qarşılaşırlar.
Platformalara giriş zamanı ekranda “Hesab müvəqqəti olaraq əlçatan deyil” xəbərdarlığı görünür.
Bu mesajın altında isə “Saytdakı problemlə əlaqədar hesabınıza hazırda daxil olmaq mümkün deyil. Ümid edirik ki, bu problem tezliklə həll olunacaq. Zəhmət olmasa, bir neçə dəqiqədən sonra yenidən cəhd edin”.
Masaüstü versiyaları ilə bağlı daha çox şikayət var. Mobil versiyalar isə nisbətən daha sabitdir.
Problemin səbəbləri hələ də məlum deyil.