“Narın Qala” restoranında 11 nəfər salatdan zəhərlənib

Şəmkirdə qidadan kütləvi zəhərlənmə baş verib.
Yeniavaz.com “Qafqazinfo”ya istinadla xəbər verir ki, zəhərlənmə rayonun Keçili kəndindəki “Narın Qala” restoranında qeydə alınıb.
Onların məclisdə yedikləri salatdan zəhərləndiyi ehtimal olunur.
TƏBİB-dən bildirilib ki, ötən gün saat 03:00 radələrində zəhərlənmə şübhəsi ilə 11 nəfər (9 qadın, 2 kişi) Şəmkir Rayon Mərkəzi Xəstəxanasının Təcili tibbi yardım şöbəsinə hospitalizasiya olunub:
“Pasiyentlərə zəruri ilkin tibbi yardım göstərilib. Hər birinin vəziyyəti qənaətbəxş qiymətləndirilərək ambulator müalicə üçün evə buraxılıb”.
Sözügedən şəxslər bunlardır:
- Mədinə İsmayılova (1995);
- Sevil Cəlilova (1994);
- Gülbəniz Cəlilova (1973);
- Leyla Qurbanova (2007);
- Rüfət Qurbanov (1999);
- Türə Daşdəmirova (1999);
- Famil İsgəndərov (1994);
- A. A. (2015);
- Rüxsarə İsgəndərova (1967);
- Fatimə İsgəndərova (1999);
- Rasim Şirininov (1999).

Faktla bağlı araşdırma başlanılıb.