ZT veb saytında məhbuslarla ünsiyyət qurmaq üçün “Əlaqə nöqtəsi” messenceri tətbiqinin reklamı paylaşılıb.
Yeniavaz.com xəbər verir ki, bu barəcə “Birinci departament” insan haqları təşkilatı məlumat yayıb.
Link yeni messencerin xüsusiyyətlərini sadalayan ayrıca veb sayta aparır.
Bildirilir ki, “Əlaqə nöqtəsi” məhbuslara qısa mətn mesajları və məktublar, səsli və video mesajlar, eləcə də foto və digər fayllar mübadiləsi aparmağa imkan verəcək. Bu, həmçinin ərizə və petisiyaların təqdim edilməsinə imkan verəcək və onların statusunu izləmək mümkün olacaq.
Xidmət pullu olacaq: 200 simvola qədər mesaj üç rubldan bir qədər çox, 2500 simvola qədər məktub isə 35 rubla başa gələcək. Yazışmalar senzuradan keçiriləcək və bu, üç iş gününə qədər davam edəcək. Məhbuslar həmçinin müxtəlif kateqoriyalardakı əyləncə məzmununa abunə ola bilərlər: idman, musiqi, yumor və xəbərlər. Tək abunənin qiyməti 99 rubldur.
Tərtibatçılar “Əlaqə nöqtəsi”nin tezliklə “App Store”, “Google Play” və “RuStore”da mövcud olacağına söz verirlər. Hələlik onu birbaşa veb saytdan “Android” smartfonları üçün APK faylı kimi yükləmək olar.
Tətbiqimizi yükləyə bilərsiniz
