“Azərbaycana səfər sıx əməkdaşlıq üçün bir fürsətdir” − Pelleqrini

Slovakiya Prezidenti Peter Pelleqrini Azərbaycana səfəri barədə danışıb. 
Yeniavaz.com xəbər verir ki, bu barədə o, sosial şəbəkə hesabında yazıb.
“Azərbaycana yola düşürəm. Ölkələrimiz möhkəm münasibətlər qurub. Bu səfər bu etimadı energetika, ticarət və investisiya sahələrində daha sıx əməkdaşlığa çevirmək üçün bir fürsətdir”, - o yazıb.
Peter Pelleqrini bildirib ki, səfər çərçivəsində tərəfdaşlığın daha da inkişaf etdirilməsi və Slovakiya üçün yeni imkanların yaradılması məqsədilə Azərbaycan Prezidenti İlham Əliyev və ölkə rəhbərliyinin digər nümayəndələri ilə görüş keçirəcək.
Qeyd edək ki, iyulun 13-də Slovakiya Prezidenti Peter Pelleqrini Prezident İlham Əliyevin dəvəti ilə Azərbaycana rəsmi səfər edəcək.