Cənubi Koreyanın keçmiş prezidenti Yun Sok Yol səkkiz işdən biri üzrə iki il həbs cəzasına məhkum edilib.
Yeniavaz.com xəbər verir ki, bu barədə “Yonhap” xəbər agentliyi məlumat yayıb.
Seul Mərkəzi Rayon Məhkəməsi Yun Sok Yolu siyasi kampaniyaların maliyyələşdirilməsi qanununu pozmaqda ittiham edərək məhkum edib. Məhkəmə müəyyən edib ki, prezident seçkiləri ərəfəsində bir sorğu agentliyi Yun Sok Yol və həyat yoldaşı üçün 2022-ci ildə təxminən 190.000 dollara başa gələn pulsuz sosioloji sorğular keçirib. Müstəntiqlər sorğu agentliyinin rəhbəri Myung Tae-kyunun qarşılığında yaxşılıq gözlədiyini bildiriblər.
Myung Tae-kyun eyni məhkəmə tərəfindən on səkkiz ay həbs cəzasına məhkum edilib.
Həmçinin, keçmiş prezidentin həyat yoldaşı Kim Gın-hinin ayrı bir işdə həm birinci, həm də ikinci instansiya məhkəmələrində siyasi kampaniyaların maliyyələşdirilməsi qanununu pozmaqda günahsız bilinib. Yun Sok Yolun vəkilləri buna diqqət edib və apelyasiya şikayəti verəcəklərinə söz veriblər.
“Xanım Kim Geon-hee həm birinci, həm də ikinci instansiya məhkəmələrində günahsız hesab edilib. Eyni hallar nəzərə alınmaqla, Yun Sok Yolun bu işdə niyə qismən günahkar hesab edildiyini anlamaq çətindir”, - vəkillər bildirib.
Fevral ayında birinci instansiya məhkəməsi keçmiş prezident Yun Sok Yolu konstitusiya quruluşuna qarşı üsyana təhrik ittihamı ilə ömürlük həbs cəzasına məhkum edib. Koreya Respublikasının Cinayət Məcəlləsi bu cinayətə görə yalnız iki növ cəza nəzərdə tutur: ömürlük həbs və ölüm cəzası.
Tətbiqimizi yükləyə bilərsiniz
