İran Ankarada Trampa qarşı sui-qəsd planlaşdırıb? – Yeni iddia

İranın Ankarada keçirilən NATO sammiti zamanı ABŞ Prezidenti Donald Trampa qarşı sui-qəsd planlaşdırdığı iddia olunur.
Yeniavaz.com xəbər verir ki, bu barədə İsrailin “Kanal 12” televiziyası məlumat yayıb.
Bildirilib ki, bu cür planlar İranın ələ keçirdiyi rabitə vasitələri ilə aşkar edilib.
Bu rabitə vasitələrinə görə, Tehran Amerika liderinin Türkiyə paytaxtına səfərini unikal bir fürsət kimi qiymətləndirib.
Hesabatda ehtimal olunan sui-qəsd cəhdi ilə bağlı məlumatların prezident təyyarəsinin dəyişdirilməsi qərarına təsir etdiyi irəli sürülür.
Tramp sammiti Qətərin hədiyyə etdiyi yeni təyyarə əvəzinə köhnə “Air Force One” təyyarəsi ilə tərk edib. Üstəlik, Ağ Ev rəhbəri jurnalistlər onu pilləkənlərdə çəkməmişdən əvvəl təyyarəyə minib. Telekanal bununla onun standart protokoldan kənara çıxdığını qeyd edib.
“The Wall Street Journal” qəzeti isə ABŞ-nin İrandan Trampın həyatına qarşı sui-qəsd təhdidini çox uzaq bir ehtimal kimi qiymətləndirsə də, Yaxın Şərqdə yenidən başlayan döyüşlər fonunda bu məlumat Ağ Ev rəhbərinin təyyarəsini dəyişməsi üçün kifayət edib. Çünki yeni təyyarə hələlik lazımi təhlükəsizlik avadanlığı ilə təchiz edilməyib.