Xamenei atasının və digər iranlıların qisasını alacağına söz verdi

İranın Ali Lideri Müctəba Xamenei Tehranın ABŞ-İsrail hücumlarının qurbanı olan Əli Xameneinin və digər iranlıların ölümünün qisasını alacağına söz verib. 
Yeniavaz.com xəbər verir ki, bu barədə Xamenei atası, keçmiş ali liderin dəfn mərasimi münasibətilə yaydığı yazılı açıqlamada bildirib. 
“Cinayətkar və rüsvay edilmiş qatilləri cəzalandırmaqla sizin və bu iki müharibənin bütün şəhidlərinin qanının qisasını alacağımıza and içirik. Bu qisas xalqımızın iradəsidir və yerinə yetirilməlidir”, - məlumatda deyilir. 
Xatırladaq ki, ABŞ və İsrail hücumları nəticəsində 28 fevralda vəfat edən Əli Xamenei üçün vida mərasimləri iyulun 3-də Tehranda başlayıb. İyulun 4-dən 5-dək ayətullahın cənazəsi Tehranın Mosallah məscidində (İran paytaxtındakı ən böyük dini və ictimai kompleks) dəfn olunub. İyulun 6-da Tehranın əsas küçələrində dəfn mərasimi keçirildi, daha sonra onun cənazəsi İranın əsas dini mərkəzi olan Quma aparıldı və iyulun 7-də dəfn mərasimləri keçirildi. Mərhum ali liderin dəfn mərasimi iyulun 9-da onun doğma şəhəri Məşhəddə baş tutdu.