Çin böyük bir texnoloji nailiyyətə imza atıb.
Yeniavaz.com xəbər verir ki, “Long March 10B” raketinin ilk sınaq uçuşu, inqilabi dəniz əsaslı tor sistemi vasitəsilə birinci pillə gücləndiricisinin uğurla tutulması ilə başa çatıb.
Çinin “torla tutma” texnologiyası Cənubi Çin dənizindəki geri qaytarma platformasına enən raket pilləsini mexaniki qarmaqlarla ilişdirərək tutmaq prinsiplərinə əsaslanır.
Bu tarixi uğurla Çin rəsmi olaraq orbital sinifli raketlərin geri qaytarılmasını mənimsəyən dünyada ikinci ölkə (ABŞ-dən sonra – red.) olub. Bu hadisə, həmçinin Çin üçün “birdəfəlik” kosmik buraxılışlar erasının sona çatdığına işarə edir.
Qeyd edək ki, illərdir ki, Pekin ABŞ-nin kommersiya kosmik sektoru ilə aradakı fərqi bağlamağa çalışır.
“Elə ilk cəhddə gücləndiricini uğurla geri qaytarmaqla onlar, öz layihələrinin bir çox Qərb analitiklərinin gözlədiyindən daha sürətlə yetkinləşdiyini sübut etdilər. Buraxılış xərclərini kəskin şəkildə azaltmaqla və uçuş tezliyini artırmaqla Çin, özünü alçaq Yerətrafı orbit iqtisadiyyatında dominantlıq etməyə və nəhəng peyk şəbəkəsi planlarını dəstəkləməyə hazırlayır”, - Qərb mətbuatı yazır.
Tətbiqimizi yükləyə bilərsiniz
