Beynəlxalq Voleybol Federasiyası (FIVB) Rusiya idmançılarına öz himayəsi altında yarışlarda iştirak etməyə icazə verib.
Yeniavaz.com xəbər verir ki, bu, Beynəlxalq Olimpiya Komitəsinin Rusiya idmançılarına qoyulan məhdudiyyətləri aradan qaldıran son qərarından sonra baş verib.
Bildirilib ki, Rusiya milli komandaları dondurulma zamanı sahib olduqları xal sayı ilə dünya reytinqində bərpa olunacaqlar.
Rusiya bayrağı və himninin istifadəsi FIVB və Avropa Voleybol Konfederasiyasının (CEV) ixtiyarındadır. Qərar müvafiq beynəlxalq idman təşkilatları ilə məsləhətləşmələr yolu ilə veriləcək.
Xatırladaq ki, Rusiya idmançıları 2022-ci ildə Rusiya ilə Ukrayna arasında müharibənin başlamasından sonra beynəlxalq yarışlardan kənarlaşdırılıblar.
Tətbiqimizi yükləyə bilərsiniz
