Trampla fikir ayrılıqlarının olduğunu etiraf etdi

İsrailin Baş naziri Benyamin Netanyahu ABŞ Prezidenti Donald Trampla fikir ayrılıqlarının olduğunu etiraf edib.
Yeniavaz.com xəbər verir ki, o, bu barədə CNN telekanalına müsahibəsində bildirib.
“Bəli, zaman-zaman fikir ayrılıqlarımız olub. O, ABŞ Prezidentidir və ABŞ üçün vacib və yaxşı olanı edir. Mən İsrailin Baş naziriyəm və İsrail üçün vacib və yaxşı olanı edirəm”, - Netanyahu qeyd edib.
Eyni zamanda, Netanyahu qeyd edib ki, İsrail və ABŞ-nin maraqları əksər hallarda üst-üstə düşür.
“Əsas məsələlərdə fikirlərimiz üst-üstə düşür. Bəzən fikir ayrılığımız olur, amma biz əsl müttəfiq olaraq qalırıq”, - o əlavə edib.