Növbəti görüş Xameneinin dəfnindən sonra olacaq

Qətər və Pakistan vasitəçiləri ABŞ və İran nümayəndə heyətləri ilə görüşləri başa çatdırıblar.
Yeniavaz.com xəbər verir ki, bu barədə Qətər Xarici İşlər Nazirliyinin xüsusi nümayəndəsi Məcid bin Məhəmməd əl-Ənsari “X” sosial şəbəkə səhifəsində məlumat yayıb.
Onun sözlərinə görə, Qətər və Pakistan vasitəçiləri iyulun 1-də Dohada ABŞ və İrandan olan danışıqçılarla ayrı-ayrı görüşlər keçiriblər.
Əl-Ənsari bildirib ki, tərəflər dialoqu davam etdirmək barədə razılığa gəliblər.
“Növbəti görüş İranın keçmiş Ali Lideri Əli Xameneinin vəfatı ilə bağlı yas mərasimləri başa çatdıqdan sonra təyin olunacaq”, - Əl-Ənsari əlavə edib.
Qeyd edək ki, Əli Xamenei ilə vida mərasimi iyulun 4-dən 9-na qədər Qum, eləcə də İraqın Nəcəf və Kərbəla şəhərlərində təşkil ediləcək. Dəfn isə iyulun 9-da Məşhəddə həyata keçiriləcək.