Kadırov ilk dəfə olaraq Dövlət Dumasına seçkilərdə “Vahid Rusiya” siyahısına daxil edilmədi

Ramzan Kadırov uzun illərdən sonra ilk dəfə olaraq Dövlət Duması seçkilərində Çeçenistan üzrə “Vahid Rusiya” namizəd siyahısına daxil edilməyib.
Yeniavaz.com xəbər verir ki, buna “Govorit NeMoskva” nəşri fikir verib.
Qeyd edilib ki, respublikadakı partiya siyahısına Dövlət Dumasının deputatları Şamsail Saraliyev, Ruslan Leçhaciyev və Əhməd Doqayev, eləcə də Kadırovun müttəfiqi, Çeçenistanın Baş naziri Maqomed Daudov, onun birinci müavini İsa Tumhaciyev və Administrasiya rəhbəri Qalas Taymasxanov daxildirlər.
Çeçenistan liderinin digər müttəfiqi Adam Delimxanov təkmandatlı seçki dairəsində “Vahid Rusiya” namizədi olub.
Nəşr qeyd edir ki, 2007-ci ildən bəri Kadırov parlament seçkilərində həmişə “Vahid Rusiya” regional qrupuna rəhbərlik edib.
Kadırov həmçinin 28 iyunda keçirilən “Vahid Rusiya” qurultayını da buraxıb.
Qeyd edək ki, son bir neçə ildə Çeçenistan liderinin ağır xəstəliyi ilə bağlı dəfələrlə məlumatlar yayılıb. Kadırov xəstə olduğunu inkar edir.