İnfantino Trampa Dünya Kuboku oyunlarına 10 bilet hədiyyə edib

ABŞ Prezidenti Donald Tramp illik maliyyə hesabatını açıqlayıb.
Yeniavaz.com xəbər verir ki, hesabata görə, FIFA prezidenti Canni İnfantino ona 2026-cı il dünya çempionatına 10 bilet hədiyyə edib.
Sənədlərdə Trampın əsasən idman tədbirlərinə bilet şəklində 370 000 dollardan çox dəyərində hədiyyə aldığı göstərilir.
Bunlara 2026-cı il Dünya Kuboku oyunlarına 15 000 dollarlıq 10 bilet, Super Kubok oyunlarına 50 000 dollarlıq 10 bilet, həmçinin, digər idman tədbirlərinə biletlər daxildir.
Qeyd edək ki, 2026-cı il FIFA Dünya Kuboku ABŞ, Kanada və Meksikada keçirilir. Turnir 19 iyul tarixinə qədər davam edəcək. Final oyunu isə Nyu-York şəhərindəki “MetLife” Stadionunda baş tutacaq.