Dünya Çempionatında C qrupunda III turun oyunları keçirilib.
Yeniavaz.com xəbər verir ki, bu, həm də sonuncu tur olduğu üçün hər iki görüşü eyni vaxtda –saat 02:00-da (Bakı vaxtı ilə) başlayıb.
Bu turda Mərakeş millisi Haiti ilə və meydandan 4:2 hesablı qələbə ilə ayrılıb.
Qrupun digər matçında isə Şotlandiya və Braziliya qarşılaşıb. Görüş cənubi amerikalıların 3:0-lıq qələbəsi ilə başa çatıb. Xallarının sayını 7-yə çatdıran Braziliya qrupu ilk pillədə bitirib.
Mərakeş də 7 xalla qrupu 2-ci pillədə tamamlayıb.
Şotlandiya isə 3 xalla 3-cü yerdə qərarlaşıb. Haiti son pillədə qərarlaşaraq mundialı xalsız tərk edib.
A qrupunda III tur çərçivəsində keçirilən oyunlar isə saat 05:00-da (Bakı vaxtı ilə) start götürüb.
Meksika Çexiyanı məğlub edib (3:0) və qrupda maksimum nəticə göstərib. Meydan sahibləri 9 xalla qrupu lider bitirib.
Cənubi Afrika Respublikası (CAR) isə qrupdakı ilk qələbəsini Cənubi Koreya üzərində əldə edib – 1:0.
Bu qələbə ilə xallarının sayını 4-ə yüksəldən CAR qrupu 2-ci pillədə başa vurub və növbəti mərhələyə adlayıb.
Cənubi Koreya isə 3 xalla 3-cü olub və pley-offa qalmaq üçün ən yaxşı 3-cülər arasına girməyi gözləyəcək.
Tətbiqimizi yükləyə bilərsiniz
