Avropa Komissarı Tereza Aqnino, Avropa Komissiyasının prezidenti Ursula fon der Lyayenə qarşı Ukrayna Prezidenti Volodimir Zelenski və Avropa liderləri ilə gizli söhbəti ilə bağlı istintaq açmaq qərarına gəlib.
Yeniavaz.com xəbər verir ki, bu barədə “Berliner Zeitung” məlumat yayıb.Söhbət Almaniya kansleri Fridrix Merts, Fransa Prezidenti Emmanuel Makron, İtaliyanın Baş naziri Corco Meloni və Böyük Britaniyanın Baş naziri Kir Starmerdən gedir.
İstintaq söhbətin məzmununa deyil, Avropa Komissiyasının yazışmalara girişi rədd edərək şəffaflıq qaydalarını pozub-pozmadığına diqqət yetirir.
Bu söhbətin mövcudluğu yanvar ayında məlum oldu. Bundan sonra Hollandiyanın “Follow the Money” (FTM) araşdırma təşkilatı yazışmalara giriş tələb etdi, lakin Avropa Komissiyası dərcin “Aİ-nin üçüncü ölkələrlə beynəlxalq əlaqələrinə zərər verə biləcəyini” iddia edərək tələbi rədd etdi. Medianın məlumatına görə, söhbətdə ABŞ Prezidenti Donald Trampla əlaqə strategiyalarının müzakirəsi yer alıb.
İstintaqın bir neçə ay davam edəcəyi gözlənilir və Avropa Komissiyası nümayəndələri və Ombudsman arasında görüş iyulun ortalarında planlaşdırılıb.
Tətbiqimizi yükləyə bilərsiniz
